EUCLIDES (K A 365 - 300)

Euclides, zalantzarik gabe, Antzinako matematikaririk ospetsuenetakoa da, baina bere bizitzari buruz ezer gutxi dakigu. Proco historialari greziarraren esanetan, oso zintzoa eta apala izan omen zen.

"Geometriako Elementuak" izeneko bere lana historia osoan zehar arrakastarik handiena izan duen matematikako testua izan da. Bertan, 13 liburutan, ordura arte zeuzkaten ezagutza matematiko guztiak jaso zituen, sistematikoki ordenatuz eta arrazoituz. Baina ez da Geometria greziar guztiaren bilduma soila, baizik eta jakintza askoren sintesia, oinarrizko Matematika osoarena: geometria laua eta espaziala, aritmetika eta algebra. Hain da handia lan honen garrantzia, 2000 urtetan testu liburu gisa erabili izan dela eta 20 mende horietan apenas zuzenketarik egin zaion. 1482.urtean argitaratu zenetik, Bibliaren ondoren, gehien argitaratu den tratatua izan da eta gaur egunerainoko geometriaren irakaskuntza bideratu du.